რესურსის" იტალიელი მხატვრები" გამოყენების ინსტრუქცია

                      რესურსის  „ იტალიელი მხატვრები“გამოყენების  ინსტრუქცია

                                                                   

რესურსი წარმოდგენილია პროგრამა Pover-Point-ში. პრეზენტაციაში მოცემულია მსოფლიო მნიშვნელობის სამი მხატვრის ლეონარდო და ვინჩის, რაფაელისა და მიქელანჯელოს პორტრეტები და  მათი ნამუშევრები. ნამუშევრებს თან ახლავს მცირე ზომის ტექსტები და სააზროვნო შეკითხვები შესწავლილი თემიდან.  რესურსი საშუალებას აძლევს მოსწავლეებს ვიზუალურად ყურადღებით  დააკვირდნენ   რა სიუჟეტებს ასახავდნენ რენესანსის მხატვრები თავიანთ ნამშევრებში, გაეცნონ  სურათებს ლეონარდო და ვინჩის- „მადონა ლიტა“,  „საიდუმლო სერობა“,  „ხარება“,  რაფაელის-„სიქსტის მადონა“,“ წმინდა მარიამის დაწინდვა“,  „მადონა მწვანეში“,  აგრეთვე  მიქელანჯელოს ქანდაკებას „პიეტა“,  წმინდა პეტრეს ტაძრის არქიტექტორებს,ფასადს, ინტერიერს და პასუხები გასცენ კითხვებს, იმსჯელონ თითოეულ ნამუშევარზე, გააანალიზონ , განიხილონ გავლენები.ისაუბრონ რენესანსის ეპოქალურ ნიშნებზე, ისტორიულ და რელიგიურ გავლენებზე და გაიაზრონ ამ უდიდესი მხატვრების წვლილი ხელოვნებისა და კულტურის განვითარებაში. რესურს  გამოვიყენებ VII- VIII –IX კლასებში ხელოვნების გაკვეთილებზე. იგი ხელს შეუწყობს მოსწავლეებში მასალის უკეთ ათვისებასა და  შემოქმედებითი აზროვნების განვითარებას.

იტალიელი მხატვრები-რეფლექსია

                                    რეფლექსია

ციფრული რესურსის  სათაური:  „იტალიელი მხატვრები“ სამი ტიტანი.

აღნიშნული სასწავლო  რესურსი  შევქმენი თემისათვის - რენესანსი, მე-7 დე      მე-9 კლასებისათვის. რესურსი წარმოდგენილია საპრეზენტაციო პროგრამა  Pover-Point - ში.

რესურსის  მიზანია: მოსწავლემ  შეძლოს ამოიცნოს იტალიელი მხატვრების  ლეონარდოს და ვინჩის,  რაფაელის, მიქელანჯელოს  ნამუშევრების მხატვრული ანალიზის მეშვეობით აღორძინების ხელოვნების ეპოქალური  ნიშნები და მათი წვლილი ხელოვნებისა და კულტურის განვითარებაში.

ეროვნული სასწავლო  გეგმის მიხედვით რესურსი გადის შემდეგ შედეგებზე:

VII.14. მოსწავლე იკვლევს რა როლს ასრულებს ხელოვნება საზოგადოების ცხოვრებაში

• მოსწავლე სწავლობს მსოფლიო მნიშვნელობის მქონე რამდენიმე ხელოვანის შემოქმედებას და მათ წვლილს კულტურის განვითარებაში.
• მსჯელობს რა გავლენას ახდენს  სოციალური და რელიგიური კონტექსტი ხელოვნების ნიმუშების  გარეგნულ მხარეზე.

            VIII. 11 მოსწავლე ამოიცნობს განსხვავებულ კონტექს, რომელშიც იქმნებოდა ხელოვნების ნაწარმოები

• მსჯელობს იმის შესახებ თუ რა გავლენა იქონია ისტორიულმა და კულტურულმა კონტექსმა ნამუშევრის მხატვრულ გადაწყვეტაზე

            IX 10. მოსწავლე იკვლევს ხელოვნების როლს საზოგადოების ცხოვრებაში

• მსჯელობს მისთვის ნაცნობ ხელოვნების მოღვაწეებზე და მათ წვლილზე საზოგადოების ცხოვრებაში

რენესანსის თემის შესწავლისას ხშირად  ვაწყდები პრობლემებს, რამაც განაპირობა რესურსის შექმნა. რესურსი მეხმარება სასწავლო მასალის უკეთ  გააზრებასა და ათვისებაში, დამახსოვრებასა და აღქმაში გაკვეთილის პროცესში.მოსწავლეები მცირე დროში გაეცნენ როდის და სად დაიწყო აღორძინების ეპოქა, რა აღორძინდა ეპოქის ხელოვნებაში, რომელ საუკუნეებს მოიცავდა აღორძინების ეპოქა, ვინ იყვნენ ეპოქის უდიდესი ოსტატები , რა ნამუშევრები შექმნეს მათ. მოახდინეს ნამუშევრების ანალიზი ,განიხილეს ისტორიული და რელიგიური გავლენა, პასუხები გასცეს კითხვებს, იმსჯელეს და გამოთქვეს საკუთარი მოსაზრებები. ვიზუალურად უფრო უკეთესად გაერკვნენ, რომ რენესანსის ეპოქაში ნამუშევრები იქმნებოდა მითოლოგიურ და ქრისტიანულ  სიუჟეტებზე: ხვთისმშობელი ყრმით, სცენები ქრისტეს ცხოვრებიდან, წმინდანთა ცხოვრების ამსახველი სცენები,რომ  მხატვრები სურათებზე პროტოტიპად გამოსახავდნენ მიწიერ ადამიანებს.

რესურსმა აამაღლა მოსწავლეთა მოტივაცია. დაბალი აკადემიური მოსწრების მოსწავლეებიც  დაინტერესდნენ და სიამოვნებით ჩაერთენ გაკვეთილის პროცესში და გაუჩნდათ სურვილი თავად მოიძიონ დამატებით ინფორმაცია იტალიელი მხატვრების შემოქმედებაზე.  რესურსი მეხმარება სასწავლო მასალის უკეთ დამახსოვრებაში და ეროვნული სასწავლო გეგმის მიხედვით მისაღწევ შედეგზე გასვლაში.

იტალიელი მხატვრები

რესურსის გამოყენების ინსტრუქცია

რესურსის გამოყენების ინსტრუქცია რესურსში მითითებულია რას წარმოადგენს ხედვის არე, ანუ ის არე, რომელშიც მოქცეულ საგნებს ერთი შეხედვით გადავავლებთ თვალს. როგორ ხედავს ჩვენი თვალი შორს ,შორს მიმავალი მატარებლის რელსების მაგალითზე , რომელიც ერთ წერტილში იყრის თავს და წარმოადგენს თავშეყრის წერტილს. ჩვენი თვალის სხივი ახლო ბდებარე საგნებს აღიქვამს დიდი ზომისას და შორს მდებარეს -პატარა ზომისას. ასევე სიშორის კვალდაკვალ ღიავდება ფერიც. მოცემულია სურათები , რომლებზეც აღნიშნულია ჰორიზონტის ხაზი- დაბალი, მაღალი და წარმოდგენითი ჰორიზონტი. აგრეთვე მორის უტრილოს სურათი „ ქალაქის პეიზჟი“ სააზროვნო კითხვებით, რომელიც ჯერ უდა აღწეროს მოსწავლემ და შემდეგ გასცეს პასუხი კითხვებს, რაც ხელს შეუწყობს მათი შემოქმედებითი აზროვნების განვითარებას. ეს რესურსი შეიძლება გამოვიყენო მეექვსე, მეშვიდე კლასში და ზემოთ სივრცის სიბრტყეზე გადმოცემის სწავლებისას ნატურიდან და მეხსიერებით ხატვის დროს. რესურსი შეიძლება გამოიყენოს გეოგრაფიის მასწავლებელმა მეშვიდე კლასში აზიმუტისა და ჰორიზონტის მხარეების შესწავლისას, ამ საკითხის შესწავლას დიდი მნიშვნელობა აქვს მოგზაურობისას, სამხედრო, საზღვაო და საავიაციო საქმიანობაში.

რეფლექსია-ხედვის არე ჰორიზონტი

რეფლექსია ციფრული რესურსის სათაური: ხედვის არე, ჰორიზონტი აღნიშნული სასწავლო რესურსი შევქმენი მეექვსე, მეშვიდე კლასისათვის, თემისთვის-სივრცე სიბრტყეზე. რესურსი წარმოდგენილია საპრეზენტაციო პროგრამა Pover Point-ში. რესურსი ემსახურება შემდეგი საგანმანათლებლო მიზნების მიღწევას. მოსწავლე შეძლებს: • ნატურიდან ხატვის დროს სივრცის სიბრტყეზე გამოსახვას • სურათის აგებისას სწორად განსაზღვროს ხედვის არე, ჰორიზონტი და თავშეყრის წერტილი • შეამჩნიოს დეტალები გარემოში და გამოსახოს პლანების მონაცვლეობა ნამუშევარში ეროვნული სასწავლო გეგმის მიხედვით რესურსი გადის შემდეგ შედეგზე VI. 2.მოსწავლე მიზანმიმართულად ირჩევს და შემოქმედებითად იყენებს სხვადასხვა მასალას, ტექნიკას და პროცედურას ნამუშევრის შექმნისას. ინდიკატორი: ირჩევს შესაბამის გამომსახველობით ხერხებს, მასალას, ტექნიკას და თემატიკას განწყობილების გადმოსაცემად. VI.3 მოსწავლე ამჩნევს მრავალ დეტალს გარემოში და ასხავს მათ ნამუშევარში. ინდიკატორი: გამოსახავს სახასიათო დეტალებს პეიზაჟის, პორტრეტის ნატურმორტის ხატვის დროს, ხატავს ნატურიდან და მეხსიერებით. VII.1. მოსწავლე შემოქმედებითად იყენებს სახვითი ხელოვნების ელემენტებსა და პრინციპებს ნამუშევრის შექმნისას ინდიკატორი: პეიზაჟის, ქუჩის (ლანდშაფტის)გამოსახვისასიყენებს ჰორიზონტის ხაზსა და თავშეყრის წერტილს. ნამუშევრის შექმნისას იყენებს კომპოზიციური განაწილების პრინციპს, მაგ: ხედვის წერტილს. VII 3. მოსწავლე აკვირდება გარემოში ობიექტებს შორის კავშირებს და ასახავს ნამუშევარში ინდიკატორი: აკვირდება როგორ იცვლება საგნის გამოსახულება დამკვირვებლისგან დაშორების მიხედვით და ასახავს ნამუშევარში. რესურსის- „ხედვის არე, ჰორიზონტის“ შექმნა განაპირობა თემის სირთულემ და იმ ფაქტმა, რომ მოსწავლეები ვიზუალურ მახასიათებლებს უფრო ადვილად იმახსოვრებენ. მათ უძნელდებათ ნატურიდან და მეხსიერებით ხატვის დროს სივრცისა და სიღრმის გამოსახვა ნახატში.ნატურიდან ხატვის დროს მოსწავლემ ყველა გამოსასახავი ობიექტი, საგანი უნდა მოაქციოს ხედვის არეში. ნატურიდან ხატვის დროს ჰორიზონტი ყოველთვის თვალწინ გვაქვს. შენობის შიგნითა ხედის და მთაგორიანი ადგილების ხატვის დროს ჰორიზონტი დაფარულია. ნატურიდან და წარმოდგენითი ხატვის დროს ჰორიზონტის სწორად განსაზღვრას უაღრესად დიდი მნიშვნელობა აქვს. უამისოდ ხატვა არ უნდა დავიწყოთ. ამიტომ თუ ხილული ჰორიზონტი თვალწინ არ არის საჭიროა ისეთი ხაზის წარმოდგენა, რომელიც მის მაგივრობას გაგვიწევს. ამიტომ კომპოზიციის აგებისას ჰორიზონტის ხაზის (ანუ ხედვის საზღვრის) წარმოდგენით აგება აუცილებელია. აღნიშნული რესურსის გამოყენება მეხმარება პრაქტიკული სამუშაოს დროს, კერძოდ ნატურიდან და წარმოსახვითი ხატვის დროს მოსწავლეებმა განსაზღვროს სასურათე სიბრტყეზეხედვის არე, ჰორიზონტის ხაზი, თავშეყრის წერტილი და საგნები, რომლებიც ჩვენთან ახლოსაა გამოსახონ დიდი ზომისა წინა პლანზე, და საგნები, რომლებიც ჩვენგან შორსაა გამოსახონ მცირე ზომისა უკანა პლანზე. სიშორის მიხედვით ფერებიც უფრო ღია ხდება. რესურსის გამოყენებამ აამაღლა მოსწავლეთა მოტივაცია. დაბალი აკადემიური მოსწრების მქონე მოსწავლეებიც ხალისით ჩაერთენ სამუშაო პროცესში.საკმაოდ ადვილად შეასრულეს დავალება, რამაც სასიამოვნო , დადებითი ემოციები და ინტერესი გამოიწვია მათში. აღნიშნული რესურსი დამეხმარა პრობლემის ადვილად გადჭრაში. მოსწავლეებმა ადვილად შეძლეს გარე სამყაროზე, ბუნებაზე დაკვირვების საშუალებით საგნების აღქმა და გამოსახვა, მათი განაწილება და სიღრმის ეფექტის გადმოცემა სასურათე სიბრტყეზე. რესურს გამოვიყენებ მომავალშიც აღნიშნული თემის გავლის დროს.

ხედვის არე, ჰორიზონტი-პრეზენტაცია

შევუნარჩუნოთ ძეგლებს სიცოცხლე-პროექტის პორტფოლიო

შევუნარჩუნოთ ძეგლებს სიცოცხლე-პროექტის პორტფოლიო